Day 4 (28/12/2010) – Refugio Cuernos -> France valley -> Lodge Paine Grande, 16km
今早8點幾食早餐，拎咗 packed lunch 起行。因為昨日只係食咗半個三文治，所以今日唔拎三文治了。
今天走W中間的部份，路程較長。繼續沿 Lago Nordenskjöld 向西北走，沿途上落唔係好大。2小時後到 Campamento Italiano，放低大背襄喺 ranger station 旁嘅小屋，再爬上Valley de Frances。
一路上喺左手邊嘅係 Paine Grande 的山峰同湍急嘅冰川河 Rio de Frances，仲有不斷雪崩嘅冰川 Glaciar del Frances，右手邊係 Cuernos Del Paine 百內角同 Torres del Paine 百內塔。喺途中遇到一對大陸夫妻，個老公仲行得好快，但係老婆有啲辛苦。
一小時後到咗 Mirador，可以近距離睇 Glaciar del Frances，而身後遠處係粉藍的 Lago Nordenskjöld，右手邊係黑色山頂嘅百內角，風景一流。
由于想早啲到 Lodge Paine Grande happy hour，決定喺呢度食午餐後回頭。對大陸夫妻想去埋 Campsite Britanico 先回頭。
午餐後落山返 Campamento Italiano 囉返大背襄，過橋繼續行程。接落嚟嘅山路算是平坦，經過山坳時仲有幾隻 Andes Condor 喺空中盤旋，可惜太高睇唔清楚。
再行咗1.5小時後眼前出現咗另一個青藍色嘅湖 Lago Peboe，遠處湖邊山脚嘅一座酒店式的建築就係 Lodge Paine Grande。
Lodge Paine Grande 有两人房（一張碌架床）和六人房（三張碌架床），我哋今晚住六人房，要同一家四口同房。
Check-in 後放好行李去沖涼，以為呢道嘅水壓同温度會好啲，可是惜只係一般。
洗白白後去酒吧開咗枝白酒，睇著酒店外草叢中忙碌嘅麻雀，同正在趕路到嘅山友，不知不覺到咗7點晚餐時間。
晚餐係自助形式，有栗米沙律、湯、白汁雞脾黃薑飯同布甸，係喺百內最好味嘅一餐。
差五分鍾到九點先見到對大陸夫妻返到，好彩仲有小量食物。我哋打召呼後去樓下客廳嘅梳化睇小說，客廳仲有燒木的火爐。
