Day 2, 26/12/2010 – 百內W Trek, Refugio Torres Norte -> Base Las Torres, 22km
去百內嘅巴士早上7:45到 hostel 接我哋，10點到達公園 Laguna Amarga 入口。買門票時先知公園無地圖提供，好彩出發前上網印咗份。然後坐公園小巴(CHL$2500/人) 去今晚住嘅 Refugio Torres Norte。
房間係有三張碌架床嘅6人房。放低大行李只帶daypack，上午11點出發開始今次嘅健行。
經 Hosteria Las Torres 旁的山徑上山，上到山坳處轉入河谷繼續前往Refugio Chileno。
沿途大風而且落著小雨。下午大約1點終放睇見樹林中的小木屋 Refugio Chileno。
呢個時候雨突然大起來，我哋立刻跑過木橋除鞋入屋。入屋後見係午餐時間，所以叫咗一碟肉醬意粉同一罐可樂，肉醬意粉味道不錯。
午餐後雨停了，我們繼續行程。呢段是森林的小徑，沿途經過冰川溶成的溪河。
很快到了Las Torres山脚的碎石坡，據說是全程最難的一段，大約需時45分鍾，坡度大而且泥土鬆散，上斜比較吃力。
差不多到頂嘅一段全係大石頭，有啲地方要手脚並用。不過同蚺蛇尖相比，覺得蚺蛇難度高些。
爬過大石後就到咗今日嘅景點 Base Las Torres。Torres 嘅西班牙文解做〝塔〞，所以 Torres Del Paine 嘅意思係”百內塔(羣)”。眼前幾座筆直嘅山峰，就係公園名稱嘅由來。雖然宜家係夏天，〝塔〞底仍然有冰川，山脚仲有一個灰綠色嘅冰川湖。
拍照後匆匆落山，回程時看見彩虹。
返到 Refugio 已經係傍晚7:30．見到浴室無人，決定先沖涼，水好熱花灑力度不錯。沖涼後去餐廳食飯，呢道嘅晚餐間時係7:00-9:00。今晚有菜湯、焗粟米糕同生果杯。不過湯和焗粟米都好咸。
