7-Oct 星期六
今天係最後一天 Safari，上午會去聚居大群紅鶴嘅 Lake Manyara 公園玩半日 game drive，下午返 Moshi。
窗台外的日出
八點半出發，十五分鐘左右已經到咗公園入口。比起 Serengeti 和 Ngorongoro，呢度嘅鳥類較多，可能因為呢度有湖泊同森林。
預備出發中
來呢度主要係睇紅鶴 flamingo，車駛入公園無幾遠見到一群藍猴子 blue monkey，跟著見到兩大群鳥喺天空中飛翔，由於它們飛得好高，天又好藍無雲，睇起嚟好似昨日喺酒店游泳池中漂浮嘅一堆蚊子。
車子駛近湖邊。越近湖邊，喺在空中嘅雀鳥飛得越低，睇到有兩大類鳥喺度飛。一係紅鶴 flamingo，另一種係鞍嘴鸛 saddle-billed storks。車子駛到湖邊觀鳥處時已經有其它車子停喺嗰度，觀鳥處距離湖邊有幾十至一百米，由於係旱季湖水退到離岸邊較遠嘅地方，湖邊嘅雀鳥離我們更遠。
Silvery-cheeked Hornbill 銀頰犀鳥
湖中有上千隻紅鶴，紅鶴嘅羽毛無想像中咁粉紅色，睇起來上嚟好似白色，要很仔細先睇到有淡淡的紅，有啲失望。
陪伴紅鶴嘅係湖中十多隻大肚腩河馬，佢哋浸喺湖水中避開猛烈嘅陽光，喺湖對岸嘅草地仲有幾隻斑馬食草。我們喺湖邊逗留咗十多二十分鐘先離開。
呢度嘅大型動物較少，可能係樹木高大茂密。聽說這裡仲有會爬樹嘅獅子，但我啲沒緣睇到。祗有常見嘅大象、長頸鹿、猩猩等。到中午十二點我們返回 Moshi Springlands Hotel。
今天費用: US$150((HK$1170) for driver tips
8-Oct 星期天/9-Oct 星期一
今日係最後一日喺坦桑尼亞，下午三點半我哋將飛返香港。本來打算早上去 Moshi 市區睇睇有咩手信可以帶返香港，點知天一直下雨，祇好留喺酒店睇書，好彩今日返到酒店無 game drive。到下午一點我們坐酒店車去機場。
喺出登機證嗰時，我哋被安排坐喺不同嘅位置。我哋立刻要求安排坐喺一齊，但無人理。喺內羅比登機時，航空公司將我嘅位換咗，話我哋會坐得比較近一啲！上機後發現我嘅新位同原來嘅位都有人坐，原來航空公司更改座位時一塌糊塗，竟然安排兩三個人坐同一個位。喺其他乘客嘅恊助下，終於可以坐返喺一齊。
本來對這家航空公司已經無信心，諗唔到來回兩程都遇到問題。喺肯亞飛返香港途中，我試問有無 vodka，結果肯亞嘅空中少爺比咗4支 mini vodka！
10月9日早上八點，飛機降落曼谷停站。望出機窗外發現機場係新嘅，有啲似香港嘅新機場。我們去程停嘅係舊機場，想不到返嚟已搬咗新機場。最後下午四點返到香港。
今天費用: US$21((HK$164) for Hotel expense (Meals， Beers)
回到香港
喺坦桑尼亞過咗一個無電視同收音機，只有雀以仔聲同小說嘅悠長假期。總計喺坦桑尼亞用咗US$670/HK$5200。
我哋兩人全程費用大概: HK$71,000。
