5-Oct 星期四
今天將離開 Serengeti，到 Ngorongoro National Park。八點半出發喺 Lobo 同 Central Serengeti 繼續半天 game drive。 我哋見到獵豹媽媽帶着4隻小獵豹過馬路，還有一隻獅子準備捕獵到河中飲水的斑馬(司機說)，可惜我們沒有時間停下來慢慢等，走前仲見到一隻喺樹上瞓覺嘅花豹。
途中架車又爆胎，司機放低我哋喺 Serengeti Visitor Centre， 然後去補胎。遊客中心展示解釋喺 Serengeti 嘅完整生態系統，點樣被發現，同現今嘅保育工作。食完午餐飯盒，司機返嚟接我哋到 Ngorongoro National Park。
下午四點半到達今晚住宿嘅 Ngorongoro Wildlife Lodge。司機話明天喺 Ngorongoro Crater 祇有 Morning game drive，同我們嘅原定行程全日 game drive 唔同。佢堅持公司比佢嘅行程只有半日。我哋立即要求佢打電話返公司澄清，他答應最快傍晚比我哋同他嘅經理通話，但之後他沒有再搵我哋。
Ngorongoro Wildlife Lodge 喺我們昨晚住嘅 Lobo Wildlife Lodge Ngorongoro Crater 嘅姊妹酒店。木造嘅建築風格同 Lobo 一樣。
Ngorongoro 係一個巨大嘅火山口， Lodge 位於佢嘅南面山頂，可以睇到完整環形的火山口，十分壯觀。酒店只有七十幾間房，每間房都係面向火山環，就算是淡季都經常爆滿。本來我們打算在這裡住兩天，但係 Zara book 唔到第二晚嘅房。
Check-in 後我哋立即沖涼清洗。然後到 lounge 露台睇日落，風景真係唔錯。
由於 lodge 位于海拔2千幾米嘅火山環頂，晚間氣溫清涼，我哋懶洋洋咁坐喺 lounge 嘅梳化睇小說，非常舒服。
晚餐例牌係 buffet。呢間酒店餐廳煮的牛肉是這次旅程中食過最正嘅，唔似其他地方嘅牛肉乾。呢度仲有羊肉同魚扒，食物種類亦係所有 Buffet 中最多嘅。我哋添食咗幾碟主菜，結果太飽要抱著肚離開餐廳。
喺 lounge 看見有人表演非洲土人歌舞，于是坐低睇睇。佢哋嘅樂器只有敲擊木琴，幾個大小不同嘅鼓同帶喺腳上嘅響鈴。舞蹈者嘅服飾有點似草裙舞嘅服飾。歌舞後佢哋拎出一盒非洲歌CD，要US$15一隻，覺得太貴。最後放下US$2，然後返房休息。
今天費用: US$7((HK$40) for hotel beers and Tips for traditional dance.
6-Oct 星期五
今天我哋將喺 Ngorongoro crater game drive。八點出發。司機再次嘗試要求我們喺 Ngorongoro game drive 半天，我哋要佢打電話比 Zara office 澄清，電話打通後司機終於同意最遲五點先離開。但係之後司機成日都唔太說話，亦明顯無心機搵動物，好似換咗另外一個人，我心諗要扣佢小費。
Ngorongoro 橢圓形的火山口十分大， 似個大草原，草生長得比較矮，樹木唔多，動物亦較聚集，所以比較適合拍攝。而且氣溫比 Serengeti 涼快。
車子駛入火山口，睇見一大群斑馬喺一條小河飲水。放眼遠望，發現小河流向草原中嘅一個湖，可能現在係旱季，大部份嘅湖水好似被蒸發掉。湖邊有一群紅鶴，我們將喺明日去 Lake Manyara 睇紅鶴，所以司機無將車駛過去。
司機見喺山坡下停咗好幾架車，立刻將車駛過去，果然看見一隻雄獅同三隻母獅帶著三隻小獅，橫越馬路走去草原嘅另一邊。可惜我們趕唔到喺佢哋過馬路前嚟到，無機會影到獅子喺車邊經過嘅經典相。
司機話獅子好似要準備捕獵離群飲水嘅斑馬，果然喺很遠嘅小河邊有兩隻斑馬，我要用望遠鏡先睇得清楚。獅子群不動聲色咁慢慢走近斑馬，喺距離斑馬幾十米嘅地方分散開，喱喺草叢中等出擊嘅機會，但很快斑馬察覺到附近有危險，開始離開小河。獅子們最後都沒有再進一步嘅行動，我哋終於失望離開。
Crested crane 冠鶴
Wildebeest 角馬/牛羚
Hyena 鬣狗
Wildebeest 角馬/牛羚
午餐後我哋繼續 game drive，希望搵到東非 Big 5 之一嘅非洲犀牛。非洲犀牛由於被人過度獵殺，已經瀕臨絕種。經過河邊時我發現有兩隻斑馬喺度打交，其中一隻嘅腳仲被咬傷。
Zebra 斑馬
Saddle-billed stork 鞍嘴鸛
Sacred Ibis 埃及聖䴉
司機再次見到無幾遠有幾架越野車停低，駛近睇原來喺距離馬路100幾米嘅草地有隻雄性犀牛，犀牛雄性有兩隻角而雌性祗有一隻。我們停低睇咗5分鐘都無郁過，可能好夢正甜。
差唔多100% crop
下午三時幾，司機表示整個公園已經行過晒，問仲有咩地方想去，暗示想離開。我哋見動物差不多都見過晒，於是同意離開。
大塵到。。。
下午五點左右到達今晚住宿嘅酒店 Lake Manyara Hotel。呢間酒店同前兩晚嘅 Lodge 都係同一間集團。好似前兩間酒店， 呢間酒店同樣建喺湖區最靚嘅地點。酒店位於湖區旁嘅山丘上，喺酒店房間嘅露台可以飽覽成個湖區同湖畔森林區嘅美景。
由於是旱季，湖水無咗一大半。企喺露台上可以看見一大群羽毛呈粉紅色嘅紅鶴 flamingo 喺湖邊。酒店比較潮濕， 所以有較多蚊蟲，呢晚我哋第一次要用蚊帳。
今天費用: US$5((HK$40) for beers
