3-Oct 星期二
今天將喺 Central Serengeti 全日 game drive。
Serengeti 是當地 Massai 人的土人語，意思係無邊際嘅草原。
我哋喺六點起床，食過餅乾和咖啡後，六點半出發。離帳幕不遠，司機發現有一隻獵豹同一隻花豹喺草蕞中。我立即影低。獵豹和花豹喺同一位置其實比較小見。
Leopard 花豹
cheetah 獵豹
之後三、四小時同下午嘅 game drive 都無乜特別，日落時我哋返到帳篷，晚餐後結束呢一日。
African White-backed Vulture 非洲白背禿鷲
Warthog 疣豬
Antelope 羚羊
Grey-backed Fiscal 灰背長尾伯勞
4-Oct 星期三
一早六點起床影日出，不過有雲影唔到。同伴喺七點半先瞓醒，想不到喺滿布野獸嘅非洲草原都可以甜睡一晚。
今天我們將到 Serengeti 北面近肯亞嘅 Lobo area。據說嗰度宜家（旱季）係最多綠色植物嘅地區，逐草遷徙動物好似黑尾牛羚 Wildebeest、 斑馬等較多喺嗰邊搵食。
八點半出發向北行，沿途見到較大群嘅吃草動物，經過河馬池看見十幾隻河馬將全身浸入水中避開猛烈嘅陽光，陪伴佢哋嘅係幾條鱷魚。
Lilac-Breasted Roller 紫胸佛法僧
中午十二點到達今晚住宿的 Lobo Wildlife Lodge。Lodge 有啲舊，但位處山丘上，可以腑覽大片 Lobo 草原。Lodge 嘅設施都算齊全，有一個景觀一流嘅瀑布泳池，好有無線夏雨喺杜拜沙漠酒店泳池游水feel，好豪華但太奢侈。Check-in 後立即洗衫同沖涼，洗盡三天嚟揮之不去嘅沙塵。十二點半我哋舒舒服服咁坐喺偌大嘅餐廳睇着露台外嘅動物，聽著清脆嘅雀鳥聲，食個嚟到坦桑尼亞後最豐富的 Lunch Buffet，還飲咗兩支啤酒。<
又到三點半，下午 game drive 嘅時間。由於較少遊客去 Lobo，所以比起 Central Serengeti 少咗啲越野車，沙塵較少，動物就較多，比起前兩天 game drive 舒服得多。途中嘅小挿曲係司機太大意，車嘅一邊車胎跌咗入路邊嘅大窿，結果要等另一架路過嘅車將我哋拉出嚟。意外地今日可以喺草原上影日落。
晚餐回 Lodge 吃自助餐，結束悠閒的一天。
今天費用: US$10(HK$78) for beers
