2-Oct 星期一
今天我哋到坦桑尼亞最大的野生動物公園 Serengeti National Park，途經 Ngorongoro Conservation Area。
沿途都係泥路，所以一早準備好濕毛巾以免吸入大量的沙麈。八點半出發，半小時後到達 Ngorongoro 入口，再一個半小時後到達發現三百八十萬年前人類足印的博物館 (Olduvai Gorge)。我們停下參觀咗半小時。
Flycatcher
一小時後終於到達 Serengeti National Park 入口，已經是下午二點。
我哋在 picnic site 食 Highview 為我哋準備嘅 lunch box。呢個時間太熱，唔適宜喺公園 game drive，司機建議等到三點半，於是我哋坐喺公園嘅遊客登記處小睡。
下午三點半司機打開了車頂，我們開始喺 Serengeti 嘅第一個 game drive。跟著嗰三日，我哋每天都有兩個 game drives，早上8點-11點 (Morning drive) 同黃昏3點半-6點半 (Evening drive)。
喺公園入口不遠處見到兩隻獅子啱啱食完一隻狷羚 Heartebeest，懶洋洋咁瞓喺馬路邊嘅大樹下，任由大家拍照。
繼續向前走，睇見一群群嘅斑馬、長頸塵、大象、猴子、狒狒、impala、Thomson’s Gazelle，還有各種雀鳥，很多都是第一次見，司機有本百鳥大全，逐一向我哋介紹。
很快到咗6點半，今晚（和明晚）我哋將住喺 Zara 的 Mobile Tented Camp：Serengeti Wild Camp。
Camp Site 提供酒店式服務，共有十個帳篷可供最多20個客人同時入住。每個帳篷內都有獨立廁所，晚上 Camp Site 的發電機會供電至晚上10點半。如要沖涼要通知 Camp Site 嘅人準備熱水並倒入吊喺帳篷外嘅花灑水桶。由於水桶容量有限（大約五、六公升），要珍惜用水。諗到我哋正身處乾旱缺水嘅環境，有如此服務同設施，算係奢侈。要一試真正野外同大自然融為一體嘅帳篷，就唔可以投訴。
晚餐喺餐廳帳篷內食，聽司機講今天嘅供應無及時送到，所以晚餐食物好簡單，只有白飯、意粉、牛肉sauce同蔬菜sauce。 對面枱嘅一對老夫婦還叫咗紅酒，我覺得天氣太熱，酒一定好難喝。我嘅估計喺明晚嘅晚餐被另一對年輕男女証實。
食過晚餐，我拎出Mei姐架FM2影星空。第一次影星嘅結果當然係：失敗。。。
