1-Oct 星期日 今日嘅行程係探訪 Bushman，即係住喺灌木叢獵食野生動物嘅土人。 我哋喺清晨五點出發。由於天黑又無街燈，而且啲泥路無路標，司機行錯咗路。要七點半先到鄉村入口。
司機喺村裡面約咗另外一個會講土人話嘅導遊帶我們去搵土人。我哋跟著新導遊，好快就揾到一群土人。
土人旱季以樹叢為屋， 雨季住喺山洞。我哋用導遊教嘅問候語同佢哋打招呼後，佢哋表演用木磨擦生火，同製作打獵用嘅箭。獵殺不同嘅獵物要用唔同嘅箭，打大型獵物如野牛、野鹿，就要用沾有毒液同利鐵做箭頭嘅箭，射雀仔要用尖而輕身嘅箭。講解完之後就跟佢哋一齊打獵。佢哋先捉到一隻田鼠，然後再射落兩隻鳥仔。好快已經到十點半，太陽開始曬，動物都躲起來，不宜再繼續。
跟佢哋返到”屋企”，之後教我哋射箭，我當然無能力將箭射中當”紅心”嘅石頭。臨走時土人們一湧而上圍著我哋帶上他哋做嘅手鍊頸飾，嚇咗一跳，最後用US$6買咗兩條手鍊。
午餐後，我哋去參觀一家很特別嘅土人。男人一共娶咗七個老婆，生咗30幾個仔女。導遊解釋呢個男人要生多啲仔女幫忙看管佢擁有嘅六百幾隻牛、羊。呢個籍口似乎幾好。 之後導遊帶我哋去到種洋蔥嘅地方，睇見一大遍嘅洋蔥田。原來呢度出產全國80%嘅洋蔥。紫紅色嘅洋蔥散發出嘅香氣好好聞。呢度嘅洋蔥由印度引入，所以以前被稱為 Red Bombay。
我哋喺下午二點左右離開 Bushman 土人村，返去 Highview Hotel。離開前比今日導遊US$10小費。
今天費用: US$10(HK$78) + US$5((HK$40) for beers
