21-Sep 星期四
今晚八點坐肯亞航空去坦桑尼亞，途經曼谷同內羅比。 第一次到非洲旅行，心情特別興奮????。
用咗兩個幾小時準備出發嘅嘢，最後都係帶漏咗黃熱證書。為咗容易啲去機場，所以一早去九龍站預辦登機，但原来要帶手提一齊磅重???? 。又要返屋企再去多次。
晚上8點上咗肯亞航空嘅767，喺食晚餐時仲拎咗支 mini Absolute Vodka。
22-Sep 星期五
飛咗十個小時後，終於到達肯亞首都內羅比國際機場。到達嘅時間係當地時間早上4點，之後再等8點轉乘 Precision Airways 嘅班機到坦桑尼亞嘅 Kilimanjaro 機場。
到7點準備登機，過保安檢查時枝 mini vodka 比保安沒收咗。佢哋話 “No liquor is allowed.”。
入到候機室，見到停機坪外的草原一片黃色，仲有幾棵平頂非洲樹，就想影低佢。點知個保安立即走過來話 “Pictures are not allowed because of security reason. May I have your passport?”。 我哋只好收起相機，其實候機室都無見到任何不準拍攝嘅警告提示。
8點準備登機。上飛機前空姐叫我們確認自己嘅寄倉行李，但係搵唔到，最後先發現行李仍然停留喺香港！！！
地勤要求我哋先飛去 Kilimanjaro，行李就要遲一日先送到。我哋都好擔心，但最後都無辦法，去咗 Kilimanjaro 先算。
9點到達 Kilimanjaro 機場後，先填寫入境表，然後喺機場左邊嘅 Visa Office 辨落地簽證，好彩唔洗出示黃熱證書，而且用特區護照唔需要簽證費用。好順利咁過咗入境處後， 航空公司嘅職員幚我哋填寫行李遺失表。Zara 嘅人已經喺度等候。
我哋坐咗一小時嘅車後到咗 Springlands Hotel， 一家好有英國殖民地風格嘅度假式酒店。酒店嘅人好快就知道我們的行李無嚟到，就幫我們同航空公司聯絡。但到咗晚餐嘅時候仲係無消息，無辦法下想推遲1日先起程上山。
