- October 7, 20067-Oct 星期六 今天係最後一天 Safari，上午會去聚居大群紅鶴嘅 Lake Manyara 公園玩半日 game drive，下午返 Moshi。 窗台外的日出 八點半出發，十五分鐘左右已經到咗公園入口。比起 Serengeti 和 Ngorongoro，呢度嘅鳥類較多，可能因為呢度有湖泊同森林。 預備出發中 來呢度主要係睇紅鶴 flamingo，車駛入公園無幾遠見到一群藍猴子 blue monkey，跟著見到兩大群鳥喺天空中飛翔，由於它們飛得好高，天又好藍無雲，睇起嚟好似昨日喺酒店游泳池中漂浮嘅一堆蚊子。…
- October 5, 20065-Oct 星期四 今天將離開 Serengeti，到 Ngorongoro National Park。八點半出發喺 Lobo 同 Central Serengeti 繼續半天 game drive。 我哋見到獵豹媽媽帶着4隻小獵豹過馬路，還有一隻獅子準備捕獵到河中飲水的斑馬(司機說)，可惜我們沒有時間停下來慢慢等，走前仲見到一隻喺樹上瞓覺嘅花豹。 途中架車又爆胎，司機放低我哋喺 Serengeti Visitor Centre， 然後去補胎。遊客中心展示解釋喺…
- October 3, 20063-Oct 星期二 今天將喺 Central Serengeti 全日 game drive。 Serengeti 是當地 Massai 人的土人語，意思係無邊際嘅草原。 我哋喺六點起床，食過餅乾和咖啡後，六點半出發。離帳幕不遠，司機發現有一隻獵豹同一隻花豹喺草蕞中。我立即影低。獵豹和花豹喺同一位置其實比較小見。 Leopard 花豹 cheetah 獵豹 之後三、四小時同下午嘅 game drive…
- October 2, 20062-Oct 星期一 今天我哋到坦桑尼亞最大的野生動物公園 Serengeti National Park，途經 Ngorongoro Conservation Area。 沿途都係泥路，所以一早準備好濕毛巾以免吸入大量的沙麈。八點半出發，半小時後到達 Ngorongoro 入口，再一個半小時後到達發現三百八十萬年前人類足印的博物館 (Olduvai Gorge)。我們停下參觀咗半小時。 Flycatcher 一小時後終於到達 Serengeti National Park 入口，已經是下午二點。…
- October 1, 20061-Oct 星期日 今日嘅行程係探訪 Bushman，即係住喺灌木叢獵食野生動物嘅土人。 我哋喺清晨五點出發。由於天黑又無街燈，而且啲泥路無路標，司機行錯咗路。要七點半先到鄉村入口。 司機喺村裡面約咗另外一個會講土人話嘅導遊帶我們去搵土人。我哋跟著新導遊，好快就揾到一群土人。 土人旱季以樹叢為屋， 雨季住喺山洞。我哋用導遊教嘅問候語同佢哋打招呼後，佢哋表演用木磨擦生火，同製作打獵用嘅箭。獵殺不同嘅獵物要用唔同嘅箭，打大型獵物如野牛、野鹿，就要用沾有毒液同利鐵做箭頭嘅箭，射雀仔要用尖而輕身嘅箭。講解完之後就跟佢哋一齊打獵。佢哋先捉到一隻田鼠，然後再射落兩隻鳥仔。好快已經到十點半，太陽開始曬，動物都躲起來，不宜再繼續。 跟佢哋返到"屋企"，之後教我哋射箭，我當然無能力將箭射中當"紅心"嘅石頭。臨走時土人們一湧而上圍著我哋帶上他哋做嘅手鍊頸飾，嚇咗一跳，最後用US$6買咗兩條手鍊。 午餐後，我哋去參觀一家很特別嘅土人。男人一共娶咗七個老婆，生咗30幾個仔女。導遊解釋呢個男人要生多啲仔女幫忙看管佢擁有嘅六百幾隻牛、羊。呢個籍口似乎幾好。 之後導遊帶我哋去到種洋蔥嘅地方，睇見一大遍嘅洋蔥田。原來呢度出產全國80%嘅洋蔥。紫紅色嘅洋蔥散發出嘅香氣好好聞。呢度嘅洋蔥由印度引入，所以以前被稱為 Red Bombay。 我哋喺下午二點左右離開 Bushman 土人村，返去 Highview Hotel。離開前比今日導遊US$10小費。 今天費用: US$10(HK$78)…
- September 29, 200629-Sep 星期五 今日係休息日，所以決定到 Moshi 市中心睇睇同食午餐、飲咖啡。 我們揀咗 Lonely Planet 介紹嘅小店 The Coffee Shop。坐 shuttle bus 出到市中心後先到NBC銀行用美金$20兌換本地KSH$25,000。然後慢步向咖啡店方向行。沿途有唔少本地人用日文同我哋打招呼同問我哋要唔要上山。 The Coffee Shop 喺大街，好容易就揾到。我哋入咗後花園食午餐。食食下突然落起大雨，我哋沒帶遮，只好繼續坐喺太陽遮下飲咖啡等雨停。大概到下午兩點四十五分，先懶洋洋咁離開後花園到隔壁印度女人開嘅雜貨舖睇下，最後用咗美金$16買兩件tee。然後去 Zara…
- September 26, 200626-Sep 星期二 今天要上到四千七百米的 Kibo Hut。全程約9.34公里，上升一千米。 已經日出啦。都係起唔到身影日出。。。 大家八點出發。開始時二、三公里嘅景物同3700米嘅差唔多，無咩特別。行咗大概三個半小時後，植物越來越少，溫度都明顯下降，雀仔都披著一層厚厚嘅羽毛，睇起嚟肥啫啫，好可愛。 成四千米都有肥雀 十二點幾停低食午餐時，突然風雲驟變，落起冰雹，氣溫驟降至4〬C。同伴只係著咗一件短袖tee同一件抓毛衣，而我就著咗件長袖tee同羽絨。我哋立即起步，希望行起上嚟會熱啲。冰雹越落越密，加上陣風，氣溫更低。我們就越行越快。但係行得太快，同伴嘅高山症頭痛又開始發作。 Four-striped grass mouse 天氣轉差 終於喺中午一點幾到達4700米高嘅 Kibo Hut。剛走入房間，外面就落起大雪，好彩可以及時換上保暖衣物。 Kibo Hut 同房有同我哋一路同行嘅德國阿伯同一對加拿大夫婦。遲啲到嘅仲有一個南非六人團，佢哋住喺隔籬房。同房的加拿大男人隻腳受咗傷，同我哋借咗啲藥，不過呢個時候都無乜幫助啦。 無所事事中…
- September 24, 200624-Sep 星期日 今天要行十一、二公里到高度3720米嘅 Horombo Hut。 我們九點起程，往上行咗20分鐘左右，導遊 Filax 帶我們行上 Maundi Crater， 一個其他導遊不會帶遊客去嘅小火山口。環繞火山口有一圈白雲，企喺火山口邊可以遠眺東面嘅肯亞同西面嘅 Moshi。近看火山口有一個長滿小草嘅斜坡，可能宜家係旱季，草呈黃色。 喺火山口返到去 Horombo Hut 嘅山路， 繼續往上行。沿路嘅風景無咩好睇，所見多係矮灌木，我一直叫悶。上山嘅路係沙泥路，一路上都沙塵滾滾，太陽又曬，大家好快就滿身泥塵汗水。 大約下午兩點到達 Horombo Hut。呢度嘅山小屋同…
- September 23, 200623-Sep 星期六 由於時差，喺凌晨三點已經瞓醒。喺度典咗好耐到六點半先起身，仍然無行李嘅消息。 食完早餐返到房，酒店嘅人通知行李已經送到嚟酒店，居然真係到咗！！！即刻跑去睇下係唔係。我們嘅四件行李齊齊整整咁放喺面前。。。立即將行李搬上房再整理上山嘅行裝。極速用咗四十五分鐘收拾好之後，喺十點半出發到 Mt. Kilimanjaro National Park。 公園門口叫 Marangu Gate。我哋有一個導遊，一個副導遊，一個廚師，三個挑夫加我哋二個一行八人喺12點出發前往第一個山屋。 Marangu Gate 喺1800米高，行咗4小時，就到達今天嘅目的地：高度2720米的 Mandara Hut。嗰度有十幾間三角形尖頂嘅小木屋，每間木屋有前後兩間房間，每間房間大概有85平方呎，有兩張兩呎半嘅單人床喺房門嘅兩邊，一張上下格嘅碌架床面對房門口，一個房間可以瞓四個人。 今晚我們住喺4號房，同房嘅仲有喺途中認識嘅德國阿伯 Rainer，佢係生物學家，今年原來已經70歲，真係睇唔出，退休前係墨西哥大學教授。 今天費用: US$27(HK$211)…
- September 21, 200621-Sep 星期四 今晚八點坐肯亞航空去坦桑尼亞，途經曼谷同內羅比。 第一次到非洲旅行，心情特別興奮????。 用咗兩個幾小時準備出發嘅嘢，最後都係帶漏咗黃熱證書。為咗容易啲去機場，所以一早去九龍站預辦登機，但原来要帶手提一齊磅重???? 。又要返屋企再去多次。 晚上8點上咗肯亞航空嘅767，喺食晚餐時仲拎咗支 mini Absolute Vodka。 22-Sep 星期五 飛咗十個小時後，終於到達肯亞首都內羅比國際機場。到達嘅時間係當地時間早上4點，之後再等8點轉乘 Precision Airways 嘅班機到坦桑尼亞嘅 Kilimanjaro 機場。 到7點準備登機，過保安檢查時枝 mini…